The news is by your side.

Advertisement

چیف الیکشن کمشنرکی تقرری : وزیراطلاعات کےسیاسی رابطے

اسلام آباد: وزیر اطلاعات پرویز رشید کے چیف الیکشن کمشنر کے تقرر پر سیاسی رہنمائوں سے رابطے، ایم کیو ایم نے ناصر اسلم زاہد اور رانا بھگوان داس سمیت چار نام دے دئے۔

وفاقی وزیر اطلاعات پرویز رشید کے سیاسی جماعتوں سے رابطوں کے بعد ایم کیو ایم انےجسٹس ناصر اسلم زاہد، جسٹس رانا بھگوان داس ،جسٹس غوث محمد، اورجسٹس تصدق حسین جیلانی کے نام وفاقی حکومت کو پیش کرنے کا فیصلہ کیا ہے، ایم کیو ایم کے قائد الطاف حسین نے فیصلے کی توثیق کر دی ہے۔

اس سے قبل ملک میں چیف الیکشن کمشنر کے تقرر پر سیاسی جماعتوں کی سرگرمیوں کے بعد وزیر اعظم نواز شریف نے بھی پرویز رشید کو اپوزیشن سیاسی رہنمائوں سے رابطوں کا ٹاسک دے دیا، پرویز رشید نے حکم ملتے ہی ٹیلیفون کھڑکھڑانے شروع کر دئے اور جماعت اسلامی کے امیر سراج الحق، جے یو آئی فے کے امیر مولانا فضل الرحمن،حاصل بزنجو اورقومی وطن پارٹی کے سربراہ آفتاب شیر پاؤا ور متحدہ قومی موومنٹ کے رہنما بابر خان غوری اور اے این پی کے حاجی عدیل سے رابطہ کیا اور انہیں چیف الیکشن کمشنر کے تقرر پر بریفنگ دی۔ بعض رہنمائوں نےماضی میں انتخابی دھاندلی کے حوالے سے شکوہ بھی کیا۔

Print Friendly, PDF & Email

Comments

comments

یہ بھی پڑھیں