The news is by your side.

Advertisement

چیف سلیکٹرمعین خان نے کیسینو جانے پرقوم سے معافی مانگ لی

لاہور : کیسینو جانے پر شرمندہ ہوں، قوم معاف کردے ،اتنے سنگین نتائج کی توقع نہیں تھی ،تفصیلات کے مطابق  پاکستان کرکٹ بورڈ (پی سی بی) کے چیف سلیکٹر معین خان نے کیسینو جانے کے معاملے پر پاکستانی قوم سے معافی مانگ لی ہے۔

میڈیا ذرائع سے ملنے والی اطلاعات کے مطابق ان کا کہنا تھا کہ میں نے نہیں سوچا تھا کہ اس کے اتنے سنگین نتائج بھگتنا ہوں گے،نادانستہ طور پر کیسینو جانے پر قوم سے شرمندہ ہوں۔

واضح رہے کہ  اس حوالے سے خبر سب سے پہلے اے آر وائی نیوز نے بریک کی تھی ،اے آر وائی نیوز کو گزشتہ دنوں ایک عینی شاہد نے بتایا تھا کہ معین خان نے کرائسٹ چرچ کے کسینو کے وی آئی پی لاؤنج میں جوا کھیلا تھا۔

اے آر وائی نیوز سے خصوصی گفتگو کرتے عینی شاہد کا کہنا تھا کہ میچ سے ایک رات قبل معین خان کافی دیر تک کرائسٹ چرچ کے کسینو میں رہے۔

عینی شاہد نے بتایا کہ میں نے خود بیگم معین خان کو بھی کیسینو میں بڑی رقم کے ساتھ  جواء کھیلتے ہوئے دیکھا تھا۔

بعد ازاں پی سی بی کے سربراہ شہر یار خان نے  معیں خان سے معاملے کی وضاحت طلب کی جس پر معیں خان نے کیسینو جانے کا اعتراف کرتے ہوئے کہا تھا کہ میں وہاں صرف کھا نا کھانے گیا تھا، جس پر پی سی بی نے انہیں فوری طورپروطن واپس بلا لیا ہے۔

چیف سلیکٹر معین خان آج رات آسٹریلیا سے وطن واپس آرہے ہیں ،اوروطن واپس آکر سب سے پہلے چیئر مین  پی سی بی سے ملاقات کریں گے۔

Print Friendly, PDF & Email

Comments

comments

یہ بھی پڑھیں