site
stats
انٹرٹینمںٹ

چینی باکس آفس پر جیکی چن کی پولیس اسٹوری 2013کی دھوم

جیکی چن کی ایکشن سےبھرپورفلم پولیس اسٹوری دوہزارتیرہ ایک ہفتے میں پینتالیس ملین ڈالر کا بزنس کر کے چائینیز باکس آفس پر وکٹری اسٹینڈ پر آگئی۔ 

مارشل آرٹ اور ایکشن فلموں میں خداداد صلاحیتوں کے حامل لاکھوں شائقین فلم کے دلوں کی دھڑکن، لیجنڈری اداکار جیکی چن نے چائینیز باکس آفس پرتہلکہ مچا دیا ہے، جن کی ایکشن سے بھرپور فلم پولیس اسٹوری دو ہزارتیرہ کانیا ٹریلر جاری کر دیا گیا۔

ایک چینی انٹرپول پولیس افسرپرفلمائی گئی، ایکشن سے بھرپور اس فلم میں ہیرو اپنے فرائض منصبی کی ادائیگی کے لئے اپنا سب کچھ نچھاور کرنے کو تیار رہتا ہے جو اغوا کے ایک مقدمے کی تحقیقات میں مصروف ہے۔

چائینیزباکس آفس پرپہلےہی ہفتےپینتالیس ملین ڈالر کا بزنس کرنے پر فلم کے ہدایت کار اور پروڈیوسر کامیابی پر خوش ہیں، دوسری جانب جیکی چن کا کہنا ہے کہ پہلے کی نسبت وہ فلم میں ایک منفرد کردار کے ساتھ پیش ہوئے، فلم میں انہوں نے ایک سنجیدہ کردار ادا کیا جو یقیناً دیکھنے والوں کو پسند آئے گا۔
   

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top