The news is by your side.

Advertisement

چینی صدر کا دورہ منسوخ ہونے سے بہت نقصان ہوا، شرمیلا فاروقی

سکھر : پیپلزپارٹی کی رہنماء شرمیلا فاروقی کا کہنا ہے کہ چینی صدر کا دورہ منسوخ ہونے سے بہت نقصان ہوا ہے۔ آزادی مارچ کے حوالے سےشرمیلا فاروقی کا کہنا تھا کہ عمران خان کا دھرنا، دھرنا نہیں بلکہ میوزیکل کانسرٹ  ہے ،عمران خان اپنے تمام ایم این ایز کا استعفیٰ نہیں لے سکے میاں صاحب کا استعفیٰ کیا لیں گے ۔

انھوں نے کہا کہ اسلام آباد میں جاری دھرنوں کی وجہ سے چینی صدر کا دورہ منسوخ ہوا ہے اوردنیا بھر میں پاکستان کا امیج بہت متاثر ہوا ہے۔

سکھر میں قائم میر معصوم شاہ لائبریری کے افتتاح کے موقع پر شرمیلا فاروقی کا میڈیا سے گفتگو کرتے ہوئے کہنا تھا کہ قادری صاحب خود تو کنٹینر میں بیٹھے ہوئے ہیں ، عورتوں اور بچوں کو شیلڈ بنا کر استعمال نہ کریں، ہمیں جمہوریت سے لگاﺅ ہے، ہم میاں صاحب کو بچا رہے ہیں۔

ان کا کہنا تھا کہ شہید ذوالفقار علی بھٹو سے لے کر بینظیر بھٹو تک ملک میں بڑی سازشیں ہوئیں ہیں، ہم نے آمرانہ دور میں ڈٹ کر مقابلہ کیا اور سابق صدر آصف علی ذرداری نے جمہوری قوتوں کو اکٹھا کیا، اٹھارویں ترمیم کے ذریعے اختیارات پارلیمنٹ کو دیئے۔

 ان کا کہنا تھا کہ آنے والے سیلاب سے نمٹنے کے لئے سابق صدر آصف علی ذرداری نے تمام ایم پی ایز کو ہدایات دیں ہیں کہ وہ اپنے علاقوں میں خود موجود رہیں۔

Print Friendly, PDF & Email

Comments

comments

یہ بھی پڑھیں