ڈالرگرل ایان علی کے پانچ کروڑ بچ گئے، عدالت نےہرجانہ معطل کردیا -
The news is by your side.

Advertisement

ڈالرگرل ایان علی کے پانچ کروڑ بچ گئے، عدالت نےہرجانہ معطل کردیا

لاہور: ہائیکورٹ راولپنڈی بینچ نے ایان علی کو کلکٹرکسٹم کی جانب سے کیا گیا پانچ کروڑ ہرجانے کاحکم معطل کر دیا۔

ماڈل گرل ایان علی نے کلکٹر کسٹمز کے ان پر عائد جرمانے کے حکم کو لاہور ہائیکورٹ میں چیلنج کرتے ہوئے موقف اختیار کیا کہ ان کے پاس جو رقم موجود تھی وہ ان کی ذاتی ملکیت تھی۔

ایان علی نے کلکٹر کسٹم کے حکم کو لاہور ہائیکورٹ راولپنڈی بینچ میں چیلنج کردیا، ڈالر گرل پر کسٹم عدالت نے پانچ کروڑ جرمانہ عائد کیا تھا، درخواست کی ابتدائی سماعت جسٹس اطہر محمود نے کی، ڈالر گرل کے وکیل کا کہنا تھا کہ کلکٹر کسٹم نے سنے بغیر یکطرفہ حکم جا ری کیا،ایان علی کے پاس رقم انکی ذاتی اور قانونی ملکیت تھی۔

وکیل نے دلائل دیتے ہوئے کہا کہ کلیکٹر کسٹم نے جرمانے کا حکم ایان علی کا موقف سنے بغیر دیا،یکطرفہ فیصلہ آرٹیکل ٹین اے کی خلاف ورزی ہے۔

عدالت نے کلکٹر کسٹمز کاپانچ کروڑ ہرجانے کا حکم معطل کر تے ہوئے متعلقہ فریقوں کونوٹس جاری کیےاور سماعت دو ہفتے کے لئے ملتوی کر دی۔

Comments

comments

یہ بھی پڑھیں