پنجاب :ینگ ڈاکٹرز نے پنجاب میں ڈاکٹرز کی ٹارگٹ کلنگ کیخلاف آج سے آؤٹ ڈور میں ہڑتال کا اعلان کر دیا ہے۔
پنجاب میں ڈاکٹرز کی ٹارگٹ کلنگ کے باعث ڈاکٹر سراپا احتجاج ہیں، ینگ ڈاکٹرز ایسوسی ایشن کا پنجاب میں سولہ فروری سے ہڑتال کا اعلان کیا تھا۔
ینگ ڈاکٹرز کا کہنا ہے کہ صوبے بھر میں ڈاکٹرز کو ٹارگٹ کلنگ کا نشانہ بنایا جارہا ہے، جس سے ڈاکٹروں میں عدم تحفظ کا احساس پیدا ہورہا ہے۔
- Advertisement -
ینگ ڈاکٹرز نے اعلان کیا ہے کہ سولہ فروری سے پنجاب بھر کے اسپتالوں میں آوٹ ڈور میں روزانہ گیارہ بجے ہڑتال کی جائے گی۔
ینگ ڈاکٹرز ایسوسی ایشن کا کہنا تھا کہ اسلام آباد، ملتان اور ساہیوال میں ڈاکٹرز کو ٹارگٹ کلنگ کا نشانہ بنایا گیا اور اب تک کسی ملزم کو گرفتار نہیں کیا گیا، ان کا کہنا ہے کہ سیکیورٹی کو یقینی بنانے جانے تک احتجاج جاری رہے گا۔
