The news is by your side.

Advertisement

ڈاکٹروں کی ٹارگٹ کلنگ کیخلاف ڈاکٹرز کی ہڑتال

کراچی: ڈاکٹروں کی ٹارگٹ کلنگ کیخلاف پاکستان میڈیکل ایسوسی ایشن نے آج سندھ بھر میں ہڑتال کی کال دی ہے، جس پر ڈاکٹروں نے اسپتالوں کی او پی ڈی میں کام بند کردیا ہے، اس صورتحال کے باعث مریضوں کو شدید پریشانی کا سامنا ہے۔

کراچی میں ٹارگٹ کلنگ کا نہ تھمنے والا سلسلہ جاری ہے، ڈاکٹرز، وکیل، سیاسی یا مذہبی رہنماء ہو کوئی بھی ان دہشتگردوں سے محفوظ نہیں، دہشتگرد جب چاہیے جس کو چاہے ٹارگٹ کلنگ کا نشانہ بنا ڈالتے ہیں۔

ڈاکٹرز کی ٹارگٹ کلنگ کیخلاف پاکستان میڈیکل ایسوسی ایشن کی جانب سے آج سرکاری اور غیر سرکاری اسپتالوں میں او پی ڈیز بند رکھنے کا اعلان کیا گیا تھا۔

کراچی کے مختلف اسپتالوں میں ڈاکٹرز اور پیرا میڈیکل اسٹاف ٹارگٹ کلنگ کیخلاف سراپا احتجاج ہیں، اسپتالوں میں اوپی ڈیز بند ہونے کی وجہ سے مریضوں کو شدید پریشانی کا سامنا کرنا پڑ رہا ہے۔

اس سے قبل پاکستان میڈیکل ایسی ایشن نے ڈاکٹروں کی مسلسل ٹارگٹ کلنگ کے خلاف انتظامیہ اور متعلقہ محکموں کو خبردار کیا تھا کہ اگر ان کی حفاظت کے لئے کچھ نہ کیا گیا تو وہ سب ہڑتال پر چلے جائیں گے۔

واضح رہے کہ  گزشتہ برس2014کے دوران 17ڈاکٹروں کو مختلف وجوہات کی بناء پر قتل کیا جاچکا ہے جبکہ رواں سال کے ابتدائی 21روز میں چار ڈاکٹروں کو قتل کیا گیا۔

Print Friendly, PDF & Email

Comments

comments

یہ بھی پڑھیں