ڈبلیو ایف پی کا آئی ڈی پیز کیلئے خوراک کے دوسرے مرحلے کا اعلان -
The news is by your side.

Advertisement

ڈبلیو ایف پی کا آئی ڈی پیز کیلئے خوراک کے دوسرے مرحلے کا اعلان

پشاور: عالمی امدادی ادارہ برائے خوراک نے آئی ڈی پیز کے لئے خوراک کے دوسرے مرحلہ شروع کرنے کا اعلان کردیا ہے، ڈبلیو ایف پی نے اے آروائی نیوز سے گفتگو میں بتایا کہ فوڈ باسکٹ میں خواتین اوربچوں کے کھانے کے خصوصی آئٹمز بھی شامل ہوں گے۔

عالمی امدادی ادارہ برائے خوراک ڈبلیو ایف پی نے شمالی وزیرستان کے متاثرین کے لئے خوراک کی امداد کے دوسرے مرحلے کا آغاز کرنے کا اعلان کردیا ہے۔۔ ڈبلیو ایف پی کے حکام نے اے آروائی نیوز سے بات چیت کے دوران بتایا کہ خوراک کی فراہمی کے دوسرے مرحلے کا آغاز دس اگست سے ہوگا۔

امدادی خوراک کے لئے چھ لاکھ آئی ڈی پیزکا ہدف مقرر کیا گیا ہے، چھ لاکھ آئی ڈی پیز کو اٹھاون کلو گرام وزن پر مشتمل فوڈ باسکٹ دی جائے گی، ڈبلیو ایف پی حکام کے مطابق فوڈ باسکٹ میں دال، چاول، چینی، آٹا اور دیگر اشیاء شامل ہیں جبکہ فوڈ باسکٹ میں آئی ڈی پیزخواتین اوربچوں کے لیے خوراک کے خصوصی آئٹمزبھی شامل ہیں۔

Comments

comments

یہ بھی پڑھیں