ڈپٹی اسپیکر سندھ اسمبلی، شہلا رضا کی گاڑی بم سے اڑانے کی دھمکی -
The news is by your side.

Advertisement

ڈپٹی اسپیکر سندھ اسمبلی، شہلا رضا کی گاڑی بم سے اڑانے کی دھمکی

کراچی: ڈپٹی اسپیکر سندھ اسمبلی شہلا رضا کو دھمکی آمیز خط موصول، اسپیکر سندھ اسمبلی کو معاملے سے آگاہ کردیا۔

تفصیلات کے مطابق پاکستان پیپلز پارٹی سے تعلق رکھنے والی ڈپٹی اسپیکر شہلا رضا کو ایک گمنام خط کے ذریعے دھمکی موصول ہوئی ہےکہ ان کی گاڑی کو بم کے ذریعے نشانہ بنایا جائے گا۔

اب سے کچھ عرصہ قبل بھی شہلا رضا کے ساتھ ایک اچنبھا خیز واقعہ پیش آچکا ہے کہ جب ان کے گھر کے پورچ میں ان کی گاڑٰی پرنامعلوم سمت سے گولیاں آکرلگی تھیں۔

شہلا رضا نے اسپیکر سندھ اسمبلی آغا سراج درانی کو حالیہ واقعے سے آگاہ کرتے ہوئے حکومت کی جانب سےبم پروف گاڑی مہیا کرنے کا مطالبہ کیا ہے۔

آغا سراج درانی نے ڈپٹی اسپیکر کو یقین دہانی کرائی ہے کہ اس معاملے کو انتہائی سنجیدگی کے ساتھ برتا جائے گا اور شہلا رضا کی جانب سے طلب کی گئی بم پروف گاڑی کے مطالبے پر بھی غور کیا جائےگا۔

Comments

comments

یہ بھی پڑھیں