site
stats
اہم ترین

ڈیرہ اسماعیل خان:قاری اکرام فرار، تین ملزمان گرفتار

ڈیرہ اسماعیل خان: روحانی پیشوافقیر جمشید پر حملے کا ماسٹر مائنڈ قاری اکرام پولیس کارروائی کے دوران بچ نکلا،پولیس نے پناہ دینے والےتین ملزمان کو حراست میں لے کرخودکش جیکٹس اوردستی بم برآمد کرلیے،تفصیلات کے مطابق ڈیرہ اسماعیل خان میں ڈی پی او کی قیادت میں پولیس نے سرچ آپریشن کرتے ہوئے فقیر جمشید پر حملے کے ماسٹر مائنڈقاری اکرام کے ٹھکانے پر چھاپہ مارا۔

کارروائی کے دوران دوسری جانب سے فائرنگ شروع ہوگئی فائرنگ کے تبادلے کے دوران قاری اکرام ساتھیوں سمیت فرار ہوگیا۔پولیس نے قاری اکرام کو پناہ دینے والے تین افراد کو گرفتار کرتے ہوئے ٹھکانے کو تباہ کردیا ۔

پولیس نے دو خودکش جیکٹس،چھ کلو بارودی مواد، اکیاون دستی بم اور بم بنانے کا سامان قبضے میں لے لیا۔روحانی پیشوا فقیر جمشید چند روز قبل بم حملے میں جاں بحق ہوگئے تھے۔پولیس کے مطابق مفرور دہشت گرد قاری اکرام حملے کا ماسٹر مائنڈ ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top