The news is by your side.

Advertisement

ڈیپازٹس میں 25فیصد اور بچتوں میں 10فیصد اضافہ

اسلام آباد: رواں سال 2014ءکی دوسری سہ ماہی کے دوران مائیکرو فنانس بینکوں (ایم ایف بی) کے مجموعی ڈیپازٹس میں 25فیصد جبکہ بچتوں کے مجموعی حجم میں بھی 10فیصد اضافہ ریکارڈ کیا گیا ، اپریل تا جون 2014ءکے دوران بچتوں کا حجم 34.45ارب روپے سے بڑھ کر 37.88ارب روپے تک پہنچ گیا ۔

مائیکرو فنانس کے شعبہ کے ماہرین کے مطابق بچتوں اور ڈیپازٹس میں ہونے والے خوشگوار اضافہ کے نتیجے میں ایم ایف بیز کی طرف سے صرف تین ماہ کے دوران گزشتہ سہ ماہی کے مقابلہ میں مائیکرو فنانس قرضوں کے اجرا میں 34.7فیصد کا اضافہ کیا گیا ۔

ایم ایف بیز کے اعداد و شمار کے مطابق اس وقت ملک میں مائیکرو فنانس کے تحت قرضے حاصل کرنے والے افراد میں 17فیصد اضافہ ہوا ، جو بڑھ کر 8لاکھ 97ہزار سے تجاوز کر گئے ہیں ۔

جبکہ مائیکرو فنانس قرضے کی مالیت میں رواں کلینڈر سال کی دوسری سہ ماہی کے دوران پہلی سہ ماہی کے مقابلہ میں 15فیصد کا اضافہ ہونے سے قرضے کی مالیت کو 28ہزار 300روپے تک بڑھا دیا گیا ہے، جو گزشتہ سہ ماہی میں 24ہزار 600روپے تھا۔

اقتصادی و مائیکروفنانس کے شعبہ کے ماہرین نے کہا ہے کہ مائیکرو فنانس قرضوں کی شرح میں اضافہ سے ملک سے غربت کے خاتمہ میں مدد حاصل ہوگی جبکہ اس سے چھوٹے کاروباری افراد کی شرح کو بھی فروغ حاصل ہوگا۔

Print Friendly, PDF & Email

Comments

comments

یہ بھی پڑھیں