The news is by your side.

Advertisement

ڈی آئی جی آپریشن طاہرعالم کو آئی جی اسلام آباد کا اضافی چارج دیدیا گیا

اسلام آباد :  اسلام آباد پولیس کے افسران کی طرف سے نہتے مظاہرین کیخلاف کاروائی سے پے درپے انکار کے بعد وزارت داخلہ کو کراچی سے پولیس افسر بلانا پڑگیا ۔ ڈی آئی جی آپریشن طاہر عالم کو آئی جی اسلام آباد کا اضافی چارج دے دیا گیا۔

اسلام آباد میں آزادی اور انقلاب مارچ کے شرکا تو ڈٹے ہوئے ہیں مگر پولیس افسران نے اپنے ضمیر کی آواز پر نہتے کارکنوں پر ظُلم ڈھانے کو تیا ر نہیں، کوئی افسر مظاہرین کیخلاف کاروائی کی قیادت کرنے کو تیار نہیں، اولین بغاوت ڈی ایس پی خدیجہ نسیم نے کی تھی،  ان کا کہنا تھا کہ ایس ایس پی اسلام آباد محمد علی نے بھی اپنے عہدے پر کام کرنے معذرت کرلی ہے۔

ان کا کہنا تھا کہ چین آف کمانڈ کراس کرکے مظاہرین پر شیلنگ کی اجازت دی گئی، ایس پی سٹی مستنصر نے بھی عمران خان اور طاہرالقادری کے خلاف مقدمات بنانے کے لئے زبانی احکامات ماننے سے انکار کردیا ہے۔

ایس پی کیپٹن الیاس نے بھی ایس ایس پی کا چارج لینے سے انکار کردیا ہے۔ اب ڈی آئی جی آپریشن طاہر عالم کو کراچی سے بلا کر آئی جی اسلام آباد کا اضافی چارج دے دیا گیا ہے۔

Print Friendly, PDF & Email

Comments

comments

یہ بھی پڑھیں