ڈی چوک پر جلسے جلوسوں پر پابندی عائد کی جائے،محموداچکزئی -
The news is by your side.

Advertisement

ڈی چوک پر جلسے جلوسوں پر پابندی عائد کی جائے،محموداچکزئی

اسلام آباد : رکن قومی اسمبلی اور پشتون خواہ ملی عوامی پارٹی کے سربراہ محمود خان اچکزئی نے مطالبہ کیا ہے کہ ڈی چوک پر جلسے جلوسوں پر پابندی عائد کی جائے۔

سردار ایاز صادق کی زیرصدارت قومی اسمبلی کے اجلاس سےخطاب کرتےہوئےمحموداچکزئی نےڈی چوک پر جلسے جلوسوں پر پابندی عائد کرنے کا مطالبہ کیا تو وفاقی وزیر اطلاعات و نشریات پرویز رشید کا کہناتھا کہ عوام جوفیصلہ کریں گے تسلیم کرینگے۔

فاٹا سےرکن اسمبلی گل شاہ آفریدی کاکہنا تھا کہ گورنر خیبر پختونخوا فاٹا کےمسائل حل کرنےمیں رکاوٹ ہیں۔ایم کیوایم کےرکن اسمبلی رشید گوڈیل کاکہنا تھا کہ کراچی کومسلسل نظراندازکیاجارہاہے۔

انہوں نےکہا کرا چی کےعوام احتجاجاًسڑکوں پربیٹھ گئےتوکوئی نہیں اٹھاسکےگا۔ قومی اسمبلی کااجلاس شروع ہواتوقائد حزب اختلاف سید خورشید شاہ نے اسمبلی میں وزراء اور حکومتی اراکین کی کم تعداد پراحتجاج کیا۔

انہوں نےنشاندھی کی کہ آج بھی ایوان میں کورم پورانہیں ہے جس کے بعد پی پی اور فاٹا کے اراکین نے قومی اسمبلی سے واک آوٹ کیا۔

اس سے پہلے پیپلز پارٹی نے اسلام آباد میں غیر قانونی مدارس کیخلاف توجہ دلاؤ نوٹس قومی اسمبلی میں جمع کرایا۔

Comments

comments

یہ بھی پڑھیں