The news is by your side.

Advertisement

کابل: عدالت نے فرخندہ کے قاتلوں کو سزائے موت سنادی

کابل: افغان عدالت نے توہین کے الزام میں قتل ہونے والہ فرخندہ کے قتل میں ملوث چار افراد کو سزائے موت سنادی ہے، افغانستان کے معاشرے میں یہ ایک تاریخ ساز فیصلہ ہے۔

کابل کی عدالت نے 27 سالہ فرخندہ کے قتل میں 8 دیگر مجرموں کو 16 قید کی سزا سنادی ہےجبکہ 18 دیگر کو بے گناہ قرار دے دیا گیا ہے، مجرمان کا ٹرائل نیشنل میڈیا پر براہ راست کیا گیا تھا۔

غصے سے بھپرے ہوئے ہجوم نے 19 مارچ کو 27 سالہ فگرخندہ کو تشدد کا نشانہ بنانے کے بعد دریائے کابل کے کنارے جلا کر قتل کردیا تھا۔

مقتولہ پر حملہ ایک تعویز فروخت کرنے والے کے اکسانے پر کیا گیا جس نے مقتولہ پر الزام لگایا تھا کہ اس نے قرآن پاک کی توہین کی ہے۔

فرخندہ کے بہیمانہ قتل پر افغانستان بھر میں احتجاجی مظاہرے شروع ہوگئیے تھے جنہوں نے افغان معاشرے میں عورتوں کے ساتھ روا رکھے جانے والے سلوک پر دنیا بھر کی توجہ مبذول کرالی۔

Comments

comments

یہ بھی پڑھیں