site
stats
سندھ

کارکن بلاول کی جھلک دیکھنےکیلئےجان قربان کرسکتےہیں،ذوالفقارمرزا

بدین : سندھ کے سابق وزیرداخلہ ڈاکٹرذوالفقارمرزا نے کہا ہے کہ پی پی کارکنان بلاول بھٹو کی ایک جھلک دیکھنے کیلئے جان قربان کرسکتے ہیں،انہوں نے کہا کہ  فوجی آپریشن ضرب عضب کے بعد طالبان کےحملوں میں کمی آئی ہے۔ تفصیلات کے مطابق سیاسی منظر نامے سے غائب ہوجانے والے ڈاکٹرذوالفقار مرزا ایک بار پھر منظر عام پر آگئے۔

ذوالفقار مرزا کراچی میں پیپلزپارٹی کے جلسے میں شرکت کیلئے بدین سے ساڑھے تین ہزار گاڑیوں کےقافلےکی قیادت کر کے کراچی آرہے ہیں۔ ڈاکٹر ذوالفقار مرزا نے بدین میں اے آروائی سے خصوصی بات کرتے ہوئے کہا کہ کارکنوں کا جوش دیدنی ہے۔

ڈاکٹر ذوالفقار مرزا کا کہنا تھا کہ ملک بھر کے تمام اجتماعات میں دہشت گردی کا خطرہ ہوتا ہے لیکن فوجی آپریشن کے بعد اب حملوں میں کمی آئی ہے۔

سندھ کےسابق صوبائی وزیرداخلہ ڈاکٹر ذوالفقارمرزا اورایم کیوایم کے درمیان کشیدگی کے بعد اُس وقت کے صدر آصف زرداری نے معاملے کو سلجھایا اور ڈاکٹر ذوالفقار مرزا سیاسی منظر سے اوجھل ہوگئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top