اسلام آباد: کاسمیٹیکس پر ٹیکس سے خواتین کے ساتھ ساتھ ارکان پارلیمنٹ بھی ناخوش ہوگئے ہیں جبکہ کچھ خواتین نے دھرنا دینے کا بھی اعلان کردیا ہے۔
خواتین کے میک اپ کے سامان پر ٹیکس لگ گیا ہے، وفاقی بجٹ میں کاسمیٹکس پر دس سے پندرہ فیصد ٹیکس لگا دیا گیا ہے، خواتین نے حکومتی فیصلے پر ناراضگی کا اظہار کیا ہے، ایک خاتون کا کہنا تھا کہ میک اپ کے بغیر وہ باہر کیسے نکلے گی؟ دوسری جانب ایک خاتون نے تو دھرنا دینے کی بھی دھمکی دے ڈالی ہے۔
ارکان پارلیمنٹ نے بھی میک اپ کے سامان پر ٹیکس لگنے پر برہمی کا اظہار کیا، خواتین ارکان نے مطالبہ کیا کہ وفاقی حکومت کاسمیٹیکس پر اضافی ٹیکس فوری واپس لے۔
خواتین کا کہنا ہے کہ حکومت کم از کم خواتین کا تو خیال کرے ، میک اپ کے بغیر خواتین کیا کریں گی۔
دس سے پندرہ فیصد ٹیکس کے نفاذ سے سرخی،نیل پالش،مسکارہ،آئی لائنر،لپ گلوس بلش آن سمیت ہر چیز کی قیمت بڑھ گئی ہے۔