کالا باغ ڈیم اور سندھ کی تقسیم نہیں ہونے دینگے،عمران خان -
The news is by your side.

Advertisement

کالا باغ ڈیم اور سندھ کی تقسیم نہیں ہونے دینگے،عمران خان

لاڑکانہ : پاکستان تحریک انصاف کے سربراہ عمران خان نے کہا کہ سندھ کے لوگوں کو مطمئن کئے بغیر سندھ کی تقسیم نہیں  ہونے دینگے، انہوں نے کہا کہ کالا باغ ڈیم بھی سندھ کے عوام کی مرضی کے بغیر تعمیر نہیں کیا جائے گا۔

ان خیالات کا اظہار عمران خان نے لاڑکانہ میں ایک بہت بڑے جلسہ عام سے خطاب کرتے ہوئے کیا، ان کا کہنا تھا کہ گو نواز گو کا مطلب گو زرداری گو ہے کیونکہ یہ دونوں اس نظام کو تحفظ دے رہے ہیں، جس میں عوام کا استحصال کیا جاتا ہے۔

انہوں نے کہا کہ ایسا بلدیاتی نظام لائیں گے کہ جس میں عوام کو انصاف ان کی دہلیز پر ملے گا۔ان کا کہنا تھا کہ انصاف ہر شہری کا حق ہے اور جہاں انسان کو حقوق نہ ملے تو وہ غلام بن جاتے ہیں۔

ملکی موجودہ سیاست لوگوں کو تقسیم کرتی ہے،اس نے لوگوں کو صوبوں ،زبان اور فرقہ واریت میں تقسیم کیا،ہم اس تقسیم کو ختم کر کے صرف ایک تقسیم کریں گے اور وہ ہے ظالم اور مظلوم کی تقسیم۔

عمران خان کا کہنا تھا کہ سندھ کے ساٹھ لاکھ بچے تعلیم سے محروم ہیں، نیا نظام لاکر سندھ کو خوشحال بنائیں گے، سندھ پولیس میں موجود خامیوں کو دور کیا جائے گا۔

پیپلز پارٹی نے سندھ میں چھ مرتبہ حکومت کی،اگر چھ بار بھی نظام تبدیل نہ ہوسکا اورعوام کو ریلیف نہ مل سکا تو کیا ساتویں مرتبہ عوام کو ریلیف مل سکے گا؟

انہوں نے کہا کہ پی ٹی آئی نے پنجاب اور خیبر پختونخوا کے لوگوں کو جگا دیا ہے اور اب ہم سندھ آئے ہیں،ہم ہاری کو اس کے جائز حقوق دیں گے،کیونکہ جب تک غریب ہاریوں کیلئے پالیسی نہیں بنے گی جب تک  سندھ اورملک ترقی نہیں سکتا۔

Comments

comments

یہ بھی پڑھیں