site
stats
پاکستان

کالعدم تنظیموں کی امداد کو مانیٹرکر رہے ہیں، دفترخارجہ تسنیم

اسلام آباد: ترجمان دفترخارجہ تسنیم اسلم نے کہا کہ کالعدم اور دیگرتنظیموں کو ملنے والی امداد کو مانیٹر کیا جا رہا ہے، اس حوالے سے وزیراعظم ہاؤس سے بیان جاری ہوچکا ہے۔

اسلام آباد میں میڈیا بریفنگ سے خطاب میں دفترخارجہ کی ترجمان تسنیم اسلم نے بتایا کہ جماعت الدعوۃ سمیت دیگر تنظیمیں اقوام متحدہ کی پابندیاں عائد کرنے والی کمیٹی کی فہرست میں شامل ہیں۔

انھوں نے کہا کہ رکن کی حیثیت سے پاکستان اقوام متحدہ کی قراردادوں پرعملدرآمد کا پابند ہے، دہشتگردی کے خلاف کارروائیاں بین الاقوامی قوانین کےمطابق ہونی چاہئیں، پاکستان تمام دہشت گرد گروپوں کے خلاف کارروائی کررہا ہے۔

تسنیم اسلم نے کہا کہ کنٹرول لائن پر کشیدگی دہشت گردی کے خلاف جنگ میں پاکستان کی توجہ ہٹانے کی کوشش ہے۔

پاکستان سے متعلق امریکی صدر براک اوباما کے بیان کا خیرمقدم کرتے ہوئے ترجمان نے امید ظاہرکی کہ اوباما دورۂ بھارت میں سرحدی فائرنگ پربات کریں گے، پاکستان گستاخانہ خاکوں اور فرانسیسی جریدے پر حملے کی مذمت کرتا ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top