The news is by your side.

Advertisement

کالعدم تنظیم کے قیدی اعظم اورعطا سکھر سے کراچی جیل منتقل

کراچی: کالعدم تنظیم کے قیدی اعظم اور عطا سکھر سے کراچی جیل منتقل کردیا گیا ہے، دونوں دہشتگردوں کو تین فروری کو پھانسی دی جائے گی۔

ڈاکٹر علی رضا قتل کیس میں سزا یافتہ مجرموں کو سزائے موت پرعملدرآمد کیلئے سندھ پولیس نے سکھر سے کراچی سینٹرل جیل منتقل کردیا۔

کالعدم تنظیم سے تعلق رکھنے والے دونوں مجرموں کو تین فروری کو پھانسی دیئے جانے کا امکان ہے، ذرائع کے مطابق مجرموں کو ورثاء کی درخواست پر کراچی منتقل کیا گیا ہے۔

اس سے قبل کراچی میں انسدادِ دہشت گردی کی عدالت نے کالعدم تنظیم کے دو دہشت گردوں کو بلیک وارنٹ جاری کردیئے ہیں، دونوں کو 3 فروری کو سکھر جیل میں پھانسی دیدی جائے گی، دونوں دہشت گردوں کا تعلق کالعدم تحریکِ طالبان تنظیم سے ہے۔

محمد اعظم اورعطاء اللہ کو فرقہ ورانہ قتل میں موت کی سزاسنائی گئی تھی، جنھوں نے دو ہزار ایک میں سولجر بازارتھانے کی حدود میں ڈاکٹرعلی رضا کو قتل کیا تھا اور جرم ثابت ہونے پر  دو ہزار ایک  میں موت کی سزا سنائی گئی تھی۔

دونوں مجرموں نے  دو ہزار سات  میں سندھ ہائی کورٹ اور پھر سپریم کورٹ میں سزاؤں کے خلاف اپیلیں دائر کی تھیں ، جنھیں مسترد کردیا گیا تھا جبکہ صدر مملکت نے بھی ان کی رحم کی اپیل مسترد کردی تھی۔

Print Friendly, PDF & Email

Comments

comments

یہ بھی پڑھیں