کامن ویلتھ گیمز، پاکستانی ریسلر قمرعباس فائنل میں پہنچ گئے -
The news is by your side.

Advertisement

کامن ویلتھ گیمز، پاکستانی ریسلر قمرعباس فائنل میں پہنچ گئے

گلاسگو: کامن ویلتھ گیمز میں پاکستانی ریسلر قمر عباس ایف ایس چوہتر کلو گرام کیٹگری کے فائنل میں پہنچ گئے، ہم وطن ریسلر اظہر حسین کو سیمی فائنل میں شکست کے باوجود کانسی کے تمغے کے حقدار بن گئے۔

گلاسگو میں جاری کامن ویلتھ گیمز میں پاکستانی ریسلر قمر عباس نے چوہتر کلو گرام کیٹگری میں شاندار کھیل کا مظاہرہ کرتے ہوئے فائنل میں جگہ بنائی،  قمر عباس نے انگلینڈ کے ریسلر کو یکطرفہ مقابلے کے بعد شکست دیکر فائنل معرکے میں رسائی حاصل کی۔

قمر عباس کی جیت کا اسکور پاچ صفر رہا، چوہتر کلو گرام کیٹگری کے فائنل میں پاکستانی ریسلر کا مقابلہ روایتی حریف بھارت کے ریسلر سے ہوگا، ایف ایس ستاون کلو گرام کیٹگری میں پاکستان کے اظہر حسین سیمی فائنل میں عمدہ کارکردگی کا مظاہر ہ نہ کرسکے۔

بھارت کے امیت کمار نے ٹف مقابلے کے بعد پاکستانی ریسلر کو مات دی، سیمی فائنل میں شکست کے باوجود اظہر حسین کانسی کے تمغے کے حقدار بن گئے ہیں۔

Comments

comments

یہ بھی پڑھیں