site
stats
پاکستان

کبھی وکی لیکس اور کبھی پاجامہ لیکس، یہ سب فراڈ ہے، رانا ثناءللہ

لاہور: وزیر قانون پنجاب رانا ثناءللہ نے کہا ہے کہ کبھی وکی لیکس اور کبھی پاجامہ لیکس، یہ سب فراڈ ہے، حسین نواز اور حسن نواز نے کمپنیاں جلاوطنی کے دوران خریدی تھیں۔

پنجاب اسمبلی کے باہر میڈیا سے گفتگو کرتے ہوئے وزیر قانون پنجاب رانا ثناءاللہ کا کہنا تھا کہ غیرملکی ایجنسیاں اور قوتیں پاکستان میں عدم استحکام پیدا کرنا چاہتی ہیں، کبھی وکی لیکس اور کبھی پاجامہ لیکس، یہ سب فراڈ ہے۔ حسین نواز اور حسن نواز نے کمپنیاں جلاوطنی کے دوران خریدی تھیں۔

انہوں نے کہا کہ عمران خان پاگل پن کا شکار ہے، دانستہ یا نادانستہ اپنی ایسی خوبیاں بیان کرتے ہیں کہ شاید ان سے بڑا کوئی لیڈر نہیں، رانا ثناءاللہ نے کہا کہ بیرون ملک کاروبار کرنے پر کوئی آئینی پابندی نہیں، کچھ لوگوں کے بچے یہود و نصاریٰ کے ہاتھوں میں پل رہے ہیں۔

انہوں نے کہا کہ گرجا گھروں، مساجد، امام بارگاہوں اور انگلش میڈیم اسکولوں پر حملے کی انٹیلی جنس رپورٹس تھیں، جماعت الاحرار، طالبان اور لشکر جھنگوی ایک ہی طرح کے دہشتگرد ہیں، جو نام بدلتے رہتے ہیں، واہگہ بارڈر، پولیس لائن، شجاع خانزادہ پر حملے اور سانحہ گلشن اقبال پارک جماعت الاحرار کی کارروائیاں ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top