The news is by your side.

Advertisement

کراچی:اورنگی فائرنگ، سابق کونسلر رشید بیٹے سمیت جاں بحق

کراچی : جاری ٹارگٹ کلنگ میں پھر تیزی آگئی، مختلف علاقوں میں فائرنگ اور پرتشدد واقعات کے نتیجے میں باپ بیٹے سمیت چار افراد جان سے گئے۔

کراچی میں سیکیورٹی اداروں کی ٹارگٹڈ کارروائیاں بھی فائرنگ اور پرتشدد واقعات میں کمی نہ لاسکیں، اورنگی ٹاؤن سیکٹر گیارہ میں صابری چوک کے قریب نامعلوم افراد کی ہوٹل پر فائرنگ سے سابق کونسلر رشید بیٹے سمیت جاں بحق ہوگئے ہیں۔

پولیس کے مطابق مقتولین کا تعلق سیاسی جماعت سے تھا، لاشوں کو ضابطے کی کارروائی کیلئے اسپتال منتقل کردیا گیا ہے، واقعے کے بعد علاقے میں خوف و ہراس پھیل گیا جبکہ کشیدگی کے باعث علاقے میں کاروبار بند ہوگیا ہے۔

ملیر میمن گوٹھ سے خاتون کی تشددزدہ گولیاں لگی لاش ملی، خاتون کی شناخت تاحال نہ ہوسکی، کورنگی کےعلاقے زمان ٹاؤن سے چالیس سالہ رکشہ ڈرائیور جاوید کی لاش ملی، جسے تشدد اور گلے میں پھندہ ڈال کرقتل کیا گیا ہے۔

Print Friendly, PDF & Email

Comments

comments

یہ بھی پڑھیں