The news is by your side.

Advertisement

کراچی:اورنگی ٹاؤن میں شہریوں کے تشدد سے 2مبینہ ڈاکو ہلاک

کراچی کے علاقے اورنگی ٹاؤن میں شہریوں کے تشدد سے دو مبینہ ڈاکو ہلاک ہوگئے، پولیس کا دعویٰ ہے کہ ہلاک ہونے والے ڈاکو ہیں جب کہ ورثا نے الزام عائد کیا ہے کہ ایس ایچ او مومن آباد نے دونوں افراد کو شہریوں کے ہاتھوں قتل کرایا ہے۔

پولیس کے مطابق مومن آباد میں ڈاکوؤں کی اطلاع پر پولیس موبائل موقع پر پہنچی تو شہری دو ڈاکوؤں کوتشدد کا نشانہ بنارہے تھے، پولیس نے ڈاکوؤں کو شہریوں سے چھڑانے کی کوشش کی تو شہریوں نے انہیں مزید تشدد کا نشانہ بنایا، جس کے باعث وہ موقع پر ہی ہلاک ہوگئے۔

ہلاک ہونے افراد کے ورثا نے الزام عائد کیا ہے کہ ایس ایچ او مومن آباد نے دونوں افراد کو شہریوں کے ہاتھوں قتل کرایا ہے، ورثا نے مطالبہ کیا ہے کہ ایس ایچ او کے خلاف کاروائی کی جائے، پولیس کا کہنا ہے کہ ڈاکؤں کی فائرنگ سے ایک شہری بھی زخمی ہوا ہے، جس نے ڈاکوؤں کی شناخت کی ہے۔
   

Comments

comments

یہ بھی پڑھیں