کراچی:بلدیہ کے مکین مبینہ طور پر گرفتاریوں کیخلاف سراپا احتجاج -
The news is by your side.

Advertisement

کراچی:بلدیہ کے مکین مبینہ طور پر گرفتاریوں کیخلاف سراپا احتجاج

کراچی: بلدیہ ٹاؤن میں خواتین اپنے بچوں کی مبینہ گرفتاری کے خلاف سراپا احتجاج ہیں، مظاہرین نے ٹائر جلاکر حب ریور روڈ بلاک کردیا ہے، اہلخانہ نےحراست میں لئے جانے والے افراد کی باقاعدہ گرفتاری ظاہر کرنے کا مطالبہ کیا ہے۔

کراچی کے علاقے بلدیہ ٹاؤن میں گرفتاریوں کے خلاف خواتین اور بچے سڑکوں پر نکل آئے، دورانِ احتجاج مشتعل مظاہرین نے ایک پانی کے ٹینکر کو آگ لگا دی اور ٹائر جلا کر قانون نافذکرنے والے اداروں کے خلاف شدید احتجاج اور نعرے بازی کی۔

سراپا احتجاج خواتین کا کہنا ہے کہ ہمارے بچوں کو کوئی قصور نہیں، سیکیورٹی اداروں نے زبردستی بچوں کو گھروں سے گرفتار کیا۔

دھرنے میں موجود اہلخانہ کا مطالبہ ہے کہ کارروائی کے دوران گرفتار کیے جانے والوں کی گرفتاری ظاہر کی جائے۔

بعد ازاں کراچی کے علاقے بلدیہ ٹاؤن میں پولیس اور رینجرز کیساتھ مذاکرات کے بعد اہلخانہ نے گرفتاریوں کے خلاف احتجاج ختم کردیا، رینجرز حکام نے اہلخانہ کو یقین دلایا کہ انٹیروگیشن کے بعد زیرِ حراست افراد بے گناہ ثابت ہوئے تو انھیں فوری رہا کردیا جائے گا۔

رکن سندھ اسمبلی اور ایم کیو ایم کی رہنماء شازیہ جاوید کا کہنا تھا کہ اس طرح سے لوگوں کو گھروں سے اٹھا لیے جانا صحیح اقدام نہیں۔

اس سے قبل گرفتار افراد کے اہلخانہ قانون نافذکرنے والے اداروں کے خلاف سراپا احتجاج تھے، خواتین اور بچوں سمیت مظاہرین کی بڑی تعداد نے دورانِ احتجاج ایک پانی کے ٹینکر کو بھی آگ لگا ئی اور ٹائر جلا کر قانون نافذکرنے والے اداروں کے خلاف نعرے بازی کی تھی۔

Comments

comments

یہ بھی پڑھیں