The news is by your side.

Advertisement

کراچی:تحریک انصاف آج شاہراہ فیصل نرسری پر دھرنا دے گی

کراچی : پاکستان تحریک انصاف نے کراچی میں احتجاجی مظاہرے کی تیاری کرلی ، اتحادی جماعتیں بھی دھرنے میں شریک ہوں گے۔

پاکستان تحریک انصاف کے سربراہ عمران خان کی جانب سے ملک کے چار شہروں میں احتجاجی مظاہروں کے اعلان کے بعد کراچی میں دھرنے کے حوالے سے تحریک انصاف سندھ کے صدر نادر اکمل لغاری کی زیر صدارت کراچی کمیٹی کا اجلاس ہوا،

اجلاس میں آج کراچی کی شاہراہ فیصل پر نرسری کے مقام پر دھرنا دینے کا اعلان کیا گیا ، ذرائع کے مطابق پی ٹی آئی آج شام پانچ بجے کراچی میں دھرنا دے گی، جس میں پی ٹی آئی کی اتحادی جماعتیں بھی شرکت کریں گی۔

اس سے قبل تحریک انصاف نے آج سے ملک کے چار بڑے شہروں میں مظاہروں کا اعلان کر دیا تھا اور کہا تھا کہ اب آزادی مارچ کو پوری طاقت سے ملک بھر میں پھیلائیں گے، عمران خان کا کہنا تھا کہ  نواز شریف خوف سے فیصلے کررہے ہیں۔

پاکستان تحریک انصاف کے سربراہ عمران خان نے آزادی مارچ کے شرکا ء سے خطاب میں کہا کہ چار شہروں ٘لاہور، کراچی ، ملتان اور فیصل آباد میں تحریک انصاف کے بڑ ے مظاہرے ہوں گے اور شام کو فیصلہ کریں گے کہ مزید کتنے شہروں میں مظاہرے شروع ہوں گے۔

عمران خان کا کہنا تھا کہ نواز شریف سوچ رہے ہیں کہ اگر تحریک انصاف کا میاب ہو گئی تو انکا سارا بزنس چلا جا ئے گا، انکااحتساب ہوگا اور ان کی کرسی چلی جا ئے گی۔ نواز شریف خوف سے فیصلے کر رہے ہیں کبھی کہتے ہیں کہ میں نے فوج کو نہیں کہا کہ بیچ میں پڑو۔

عمران خان کا کہنا تھا کہ جب عزت اور ذلت اللہ کے ہاتھ میں ہے تو میر شکیل الرحمن سے کیا ڈرنا۔

اس موقع پر عمران خان نے پارٹی کے مستعفی نہ ہونے والے اراکین کو تنبیہہ کرتے ہوئے کہا کہ اگر پارٹی ارکان نے استعفیٰ نہ دیا تو انہیں آج ہی پارٹی سے فارغ کردیا جائے گا۔

Print Friendly, PDF & Email

Comments

comments

یہ بھی پڑھیں