The news is by your side.

Advertisement

کراچی: رینجرز موبائل پرحملے کی تحقیقات جاری

کراچی : گزشتہ روز نارتھ ناظم آباد کے قریب رینجرز کی گاڑی پر خودکش حملے کی تحقیقات جاری ہیں، دھماکا خودکش یا پلانٹڈ سیکیورٹی ادارے ابھی معلوم نہ کرسکے.

کراچی میں رینجرز موبائل پر دہشتگردوں کے حملے کی تحقیقات جاری ہیں، گزشتہ روز دھماکے کی جگہ سے ملنے والے مبینہ حملہ آور کے اعضاء کو ٹیسٹ کےلئے بھجوا دیا گیا ہے۔

دھماکے کے بعد جائے وقوعہ سے گرفتار مشتبہ افراد سے بھی تفتیش کی جارہی ہے۔

تفتیشی ذرائع کے مطابق دھماکے میں پانچ سے چھ کلو دھماکا خیز مواد استعمال کیا گیا، جس میں کثیر تعداد میں کیلیں استعمال ہوئیں، جس کا مقصد زیادہ جانی نقصان پہنچانا تھا۔

حملے میں استعمال ہونیوالی موٹرسائیکل کے مالک کی گرفتاری کے لئے بھی کوششیں جاری ہیں، حملہ خودکش تھا یا پلانٹڈ اس کا فیصلہ بی ڈی ایس رپورٹ آنے کے بعد کیا جائے گا۔

یاد رہے کہ گزشتہ روز کراچی کے علاقے نارتھ ناظم آباد میں قلندریہ چوک قادریہ پیٹرول پمپ کے قریب حسب معمول گشت پر معمور رینجرز کی موبائل پر خود کش حملہ کیا گیا، جس کے نتیجے میں دو رینجرز اہلکار شہید جبکہ تین زخمی ہوگئے تھے۔

Print Friendly, PDF & Email

Comments

comments

یہ بھی پڑھیں