site
stats
پاکستان

کراچی:رینجرز کا 90کےاطراف کےعلاقوں میں گشت، بیرئیرز کا جائزہ

کراچی : سیکیورٹی ادارے کراچی میں نوگوایریاز کے خاتمے کیلئے پُرعزم ہیں،  رینجرز اور پولیس نے ایم کیو ایم کے مرکز نائن زیرو اور اطراف کےعلاقوں میں رکاٹیں ہٹانے کا جائزہ لیا جبکہ شہر کے دیگر علاقوں سے بھی بیرئیر ہٹا دئیے گئے ہیں۔

بیریئرز ہٹانے کیلئے دی گئی مہلت ختم ہوگئی، رینجرز کے دستوں کی ایک بار پھر ایم کیوایم کے مرکز نائن زیرو کی جانب پیش قدمی ہوئی۔

نائن زیرو عزیزہ آباد سے بیریئرز اور رکاوٹیں ہٹانے کے لئے بھاری نفری جائزہ لینے نائین زیرو جا پہنچی۔

ڈاکٹر صغیر اور خواجہ اظہار نے رینجرز اور پولیس کو رضاکارانہ طور پر ہٹائے گئے بیریئرز دکھائے، نائن زیرو، لال قلعہ اور اطراف کے علاقوں کے دورے کے بعد رینجرز اور پولیس روانہ ہوگئی۔

رینجرز کی جانب سے کراچی کے مختلف علاقوں میں مختلف رکاوٹیں اور بیریئرز ہٹا نے کا سلسلہ جاری ہے، پی ای سی ایچ ایس سوسائٹی، جمشید ٹاون سے رکاوٹیں ہٹائی جاچکی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top