The news is by your side.

Advertisement

کراچی:فلیٹ میں آتشزدگی،بچی سمیت 3افراد جھلس گئے

کراچی کےعلاقے لائنزایریا کے فلیٹ میں آتشزدگی کے بعد سلنڈر پھٹ جانے سے بچی سمیت تین افراد جھلس گئے۔

پولیس کے مطابق لائنز ایریا بلاک آئی میں واقع رہائشی عمارت کی پہلی منزل پر فلیٹ میں اچانک آگ بھڑک اٹھی، آتشزدگی کی وجوہات فوری طور پر معلوم نہیں ہوسکی۔

تاہم آگ لگنے کی وجہ سے گھر کے کچن میں موجود سلنڈر زور دار دھماکے سے پھٹا، جس کی آواز سے علاقے میں خوف وہراس پھیل گیا، واقعے میں میاں بیوی اور ایک بچی زخمی ہوئے، جنہیں امدادی رضاکاروں نے فوری طور پر اسپتال منتقل کیا۔

اطلاع پر فائر بریگیڈ کی ایک گاڑی نے پہنچ کر دوگھنٹے جدوجہد کے بعد آگ پر قابو پالیا، واقعے میں گھریلو استعمال کی متعدد اشیاء جل کر خاکستر ہوگئیں۔
       

Comments

comments

یہ بھی پڑھیں