site
stats
پاکستان

کراچی:قتل وغارت کا سلسلہ تھم نہ سکا،ایک جاں بحق، 3زخمی

کراچی میں قتل وغارت کا سلسلہ تھم نہ سکا، فائرنگ سے ایک شخص جاں بحق جبکہ تین زخمی ہوگئے، مختلف علاقوں میں ٹارگٹڈ آپریشن کے نتیجے میں درجنوں مشتبہ افراد کو حراست میں لےلیا گیا۔

 پولیس حکام کے مطابق اورنگی ٹاؤن چاندنی چوک کے قریب نامعلوم افراد کی فائرنگ سے ایک شخص لقمہ اجل بنا، نیوکراچی میں گودھرا کے قریب فائرنگ سے ایک شخص زخمی ہوا، تھانہ کلاکوٹ اور تھانہ بوٹ بیسن کے علاقوں میں بھی فائرنگ سے دو افراد زخمی ہوئے۔

دوسری جانب اورنگی ٹاؤن کے مختلف علاقوں میں شدید فائرنگ کے واقعات کے بعد تھانہ پیرآباد کے علاقے فرنٹیئر کالونی میں پولیس کی بھاری نفری نے سرچ آپریشن کیا، ایس پی اورنگی چوہدری اسد کے مطابق تیس مشتبہ افراد کو پوچھ گچھ کے لئے حراست میں لیا گیا۔

رینجرز نے ملیر سٹی کے علاقے میں چھاپہ مار کاروائی کے دوران دو ملزمان کو حراست میں لے کر اسلحہ برآمد کرلیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top