کراچی:لیاری میں رینجرز مقابلہ، لیاری گینگ وار کا ایک ملزم ہلاک -
The news is by your side.

Advertisement

کراچی:لیاری میں رینجرز مقابلہ، لیاری گینگ وار کا ایک ملزم ہلاک

کراچی : لیاری میں رینجرز سے مقابلے کے دوران لیاری گینگ وار کا ایک ملزم ہلاک ہوگیا، نیپا کے قریب ڈکیتی میں مزاحمت کے دوران فائرنگ سے تین افراد زخمی ہوگئے۔

شہر قائد میں پائیدار امن کے قیام کے لیے رینجرز اور پولیس کی کارروائیاں جاری ہیں، رینجرز ترجمان کے مطابق لیاری کے علاقے نوالین میں رینجرز نے خفیہ اطلاع پر ملزمان کی گرفتاری کے لئے چھاپہ مارا، جہاں فائرنگ کے تبادلے میں ایک ملزم ہلاک ہوگیا۔

جس کی شناخت محمد ہارون کے نام سے ہوئی، ہلاک ملزم کا تعلق لیاری گینگ وار کے وصی اللہ لاکھو گروپ سے ہے، ملزم بائیس افراد کے قتل سمیت اغواء برائے تاوان اور بھتہ خوری کی وارداتوں میں بھی ملوث تھا، ملزم کے قبضے سے اسلحہ بھی برآمد ہوا۔

ادھر گلشن اقبال نیپا کے قریب ہزارہ گوٹھ میں ڈکیتی میں مزاحمت کے دوران تین افراد زخمی ہوگئے، جنہیں طبی امداد کیلئے اسپتال منتقل کردیا گیا ہے۔

Comments

comments

یہ بھی پڑھیں