The news is by your side.

Advertisement

کراچی:ٹارگٹڈ کاروائیاں جاری، تحریک طالبان کا اہم رکن گرفتار

کراچی کے مختلف علاقوں میں ٹارگٹڈ کاروائیوں کے دوران تحریک طالبان کے اہم رکن سمیت اڑتالیس افراد کو حراست میں لے لیا گیا۔

جرائم کے خاتمے کے لئے کراچی میں ٹارگٹڈ کاروائیوں کا سلسلہ جاری ہے، قانون نافذ کرنے والے اداروں نے اولڈ ماڑی پورٹرک اسٹینڈ کے قریب ٹارگٹڈ کاروائی میں تحریک طالبان کے اہم ملزم کو گرفتار کرلیا، ملزم کو نامعلوم مقام پر منتقل کرکے تفتیش کی جارہی ہے۔

نیو کراچی میں پولیس اہلکار کے قتل میں ملوث ملزم گرفتار کرلیا گیا ہے، دوسری جانب قانون نافذ کرنے والے اداروں نے لیاری میں ٹارگٹڈ کاروائی کی، کاروائی کے دوران گینگ وار کا ملزم رمضان عرف رمضانی گرفتار کر لیا گیا۔

ملزم کے سر کی قیمت حکومت سندھ نے پانچ لاکھ روپے مقرر کی تھی، شہر کے مختلف علاقوں میں پولیس اور رینجرز کی دیگر کاروائیوں میں سینتیس ملزمان کو گرفتار کرلیا گیا، ملزمان کا تعلق لیاری گینگ وار اور بعض سیاسی جماعتوں سے ہے۔

ملزمان سے مختلف اقسام کے ہتھیار بھی برآمد ہوئے، ایسٹ زون پولیس کی چوبیس گھنٹوں کی کاروائی میں نو ملزمان گرفتار کئے گئے، ملزمان کے قبضے سے اسلحہ اور مسروقہ سامان بر آمد کیا گیا۔

Comments

comments

یہ بھی پڑھیں