کراچی:پرائیوٹ اسکولوں کیلئے11نکاتی سیکیورٹی پلان تشکیل -
The news is by your side.

Advertisement

کراچی:پرائیوٹ اسکولوں کیلئے11نکاتی سیکیورٹی پلان تشکیل

کراچی: پرائیوٹ اسکول ایسوسی ایشن نے گیارہ نکاتی سیکیورٹی پلان ترتیب دے دیا ہے۔

سانحۂ پشاور کے بعد ملک بھر کے تعلیمی اداروں کے سیکیورٹی خدشات بڑھ گئے ہیں، مختلف شہروں میں سیکیورٹی انتظامات کئے جارہے ہیں کیوں کہ صرف دو دن باقی چھٹیاں ختم ہونے میں رہ گئے ہیں ۔

کراچی میں بھی پرائیوٹ اسکولوں کیلئے گیارہ نکاتی سیکیورٹی پلان ترتیب دے دیا گیا ہے، چیئرمین آل پرائیوٹ اسکول ایسوسی ایشن سندھ نے کہا کہ طلبہ و طالبات کو فوری طور پر اسکول کارڈ جاری کئے جائیں، مالی طور پر مستحکم نجی تعلیمی ادارے اپنے طور پر بھی سیکیورٹی کے موثر انتظامات کریں گے۔

سید خالد شاہ کا کہنا تھا کہ تمام اسکولوں کے اطراف سے پارکنگ اورکھانے پینے کے اسٹال ختم کردیئے جائیں، کسی بھی ہنگامی صورتحال میں متعلقہ پولیس اسٹیشن میں اطلاع دی جائے، اسکول کے اندر جانے کی کسی کو اجازت نہیں ہوگی۔

معلومات کے حصول کیلئے کاونٹر بنائے جائیں، تمام معلومات کھڑکی کاونٹر سے حاصل کی جائیں، طلبہ و طالبات کسی بھی غیر متعلقہ فرد سے گفتگو سے گریز کریں جبکہ پک اینڈ ڈراپ سروس کے نظام کو بھی موثر بنایا جائے۔

Comments

comments

یہ بھی پڑھیں