The news is by your side.

Advertisement

کراچی:چھ کلوگرام بم ناکارہ بنادیا گیا

کراچی کے علاقے اورنگی ٹاؤن میں رکشے سے ملنے والے چھ کلوگرام وزنی بم کو ناکارہ بنا دیا گیا ،پولیس کے مطابق دہشت گردوں کا ہدف قانون نافذ کرنے والے اہلکار تھے، کراچی بڑی تباہی سے بال بال بچ گیا۔ پولیس کے مطابق نا معلوم دہشت گردوں نے اورنگی ٹاون کےعلاقےمیں چھ کلو بارودی مواد رکشے میں نصب کیا تھا۔ جسے بم ڈسپوزل اسکواڈ نے بر وقت کارروائی کرتے ہوئے ناکارہ بنادیا۔

ایس ایس پی اورنگی ٹاؤن ساجد سدوزئی نے بتایا کہ بم ریموٹ کنٹرول ڈیوائس سے منسلک تھا رکشے کو بکراپیڑی روڈ کے ساتھ پارک کیا گیا تھا جہاں رینجرز اور پولیس کے موبائل وینز اسنیپ چیکنگ کے لیے کھڑی ہوتی ہیں ۔ پولیس کے مطابق دہشت گردوں کا مقصد قانون نافذ کرنے والے اہلکاروں کو نشانہ بنانا تھا۔جسے پولیس نے بروقت کارروائی کرتے ہوئے ناکام بنادیا۔

Print Friendly, PDF & Email

Comments

comments

یہ بھی پڑھیں