کراچی: نواحی علاقے کورنگی میں نامعلوم افراد نے ایک گاڑی پر اندھا دھند فائرنگ کرکے دو افراد کو قتل کردیا۔
تفصیلات کے مطابق کورنگی ڈھائی نمبرمیں موٹر سائیکل سوار ملزمان نے ایک گاڑی پرفائرنگ کردی جس کے نتیجے میں دو افراد شدید زخمی ہوئے جو کہ اسپتال منتقلی کے دوران چل بسے۔
پولیس ذرائع کے مطابق فائرنگ کے واقعے میں مارے جانے والے افراد کی شناخت علی اورشاہد کے ناموں سے کی گئی ہے۔
دوسری جانب گلستان جوہر بلاک 19 میں لوٹ مار میں مصروف ڈاکو اور پولیس کے درمیان فائرنگ کے تبادلے کے بعد ایک ملزم کو زخمی حالت میں گرفتار کرلیا گیا، ملزم کے قبضے سے اسلحہ اورمسروقہ سامان بھی ملا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں