site
stats
اہم ترین

کراچی آپریشن غیر جانبدارانہ ہے، رانا ثناء اللہ

فیصل آباد: مسلم لیگ ن کے رہنما رانا ثناءاللہ کا کہنا ہے کہ کراچی آپریشن غیرجانبدارانہ ہے، ایم کیوایم کوجرائم پیشہ عناصر کی نشاندہی کرنی چاہیئے نہ کہ شور کیا جائے کہ ان کو نشانہ بنایا جارہا ہے۔

فیصل آباد کی زرعی یونیورسٹی میں نیزہ بازی مقابلوں کے موقع پر سپورٹس اسٹیڈیم کا سنگ بنیاد رکھنے کے بعد میڈیا سے گفتگو کرتے ہوئے رانا ثناء اللہ کا کہنا تھا ایم کیو ایم ایک سیاسی جماعت ہے اور ہم اس کا سیاسی کردار دیکھنے کے خواہش مند ہیں، کسی سیاسی جماعت کو مجرمانہ اور خلاف قانون سرگرمیوں میں ملوث ہونے کی اجازت نہیں دی جاسکتی ۔

پنجاب کے سابق وزیر قانون رانا ثناء اللہ کا کہنا ہے نائن زیرو سے گرفتار افراد جرائم میں ملوث ہیں، ایم کیو ایم شور مچانے کی بجائے ان کی بے گناہی ثابت کرے، غیر جانبدارانہ کراچی آپریشن میں مزاحمت ایم کیو ایم کی قیادت کے لئے مناسب نہیں ہو گا، شریف لوگوں کی جان لینے والوں کو کیفر کردار تک پہنچایا جائے گا ۔

انہوں نے کہا کہ ایم کیو ایم میں موجود غیرقانونی سرگرمیوں میں ملوث عناصر کو پکڑ کر انصاف کے کٹہرے میں لایا جائے گا ۔

دہشت گردی کے باعث سیاسی جماعتوں کے عسکری ونگ ختم نہ کئے جا سکے، اب آپریشن ضرب عضب کی کامیابی سے قانون نافذ ہوگا تو سیاسی جماعتوں کے عسکری ونگز خودبخود ختم ہو جائیں گے ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top