کراچی: رینجرز نے بارود سے بھری موٹرسائیکل کو تحویل میں لے کر دہشت گردی کا بڑا منصوبہ ناکام بنا دیا جبکہ کالعدم تنظیم کے تین دہشت گرد بھی پکڑے گئے ہیں ۔
کراچی کے علاقے بلدیہ اتحاد ٹاون میں رینجرز نے بارود سے بھری موٹر سائیکل ناکارہ بنا کر دہشتگردی کابڑا منصوبہ ناکام بنا دیا، منگھوپیر میں پولیس نے چھاپے مار کر کالعدم تنظیم کے تین دہشت گردوں کو گرفتار کرکے دستی بم سمیت دیگر اسلحہ برآمد کرلیا۔
شہر قائد میں آج بھی دو افراد کی جان لے لی گئی، کٹی پہاڑی کے قریب گھر سے خاتون کی تشدد زدہ لا ش ملی،اورنگی ٹاون اور بوٹ بیسن کے علاقوں میں فائرنگ کے واقعات میں دو افراد زخمی ہوئے۔
شاہراہ قائدین کے قریب گھاس منڈی کا رہائشی شاہد ٹارگٹ کلنگ کی بھینٹ چڑھ گیا، ملیرکینٹ کے قریب لوٹ مار کرنے والے ملزمان اور پولیس پارٹی میں فائرنگ کے تبادلے میں دو ڈاکو ہلاک ہوگئے ۔
