کراچی : محکمہ موسمیات کا کہنا ہے کہ تیز بارش کا سسٹم 90کلومیٹر دور ہے اور آج شام 4 بجے تیز بارش ہوسکتی ہے۔
کراچی والوں کیلئے محکمہ موسمیات نے خطرے کی گھنٹی بجادی، محکمہ موسمیات کےمطابق بنگال سے آیا بارشوں کا نیا سسٹم کراچی میں ایک سو بیس ملی سےزائدبارش کا سبب بنےگا۔ بنگال سے پاکستان میں داخل ہونے والا بارشوں کا نیا سسٹم کراچی سمیت سندھ کے کئی شہروں میں داخل ہوگیا۔
محکمہ موسمیات نے کراچی سمیت ملک بھر میں تیزبارش کی وارننگ جاری کردی، بنگال سے پاکستان میں داخل ہونے والا بارشوں کا نیا سسٹم کراچی سمیت سندھ کے کئی شہروں میں داخل ہوگیا، کراچی میں ایک سو بیس ملی میٹر بارش ہونے کا امکان ہے۔
وزیربلدیات ناصر شاہ کا دعویٰ ہے کہ تمام انتظامات مکمل ہیں۔
اے آروائی نیوز پررپورٹ نشر ہونے کے بعد کراچی میں بھاری بھرکم سائن بورڈ ہٹانے کا کام شروع ہوگیا ہے لیکن انتظامیہ کیلئے چند گھنٹوں میں تین ہزارسے زائد بل بورڈز ہٹانا بہٹ بڑاچیلنج ہے۔
واضح رہے کہ دو ہزار سات میں تیز ہواؤں کے ساتھ ہونے والے بارش سے دیوہیکل سائن بورڈز گرنے سے دو سو افراد لقمہ اجل بنے تھے۔
