site
stats
پاکستان

کراچی :تیز رفتار کار فٹ پاتھ پر چڑھ دوڑی، ایک بچہ جاں بحق

کراچی : ایم اے جناح روڈ پر تیز رفتار کار فٹ پاتھ پر سوئے ہوئے ایک خاندان پر چڑھ گئی، جس کے باعث ایک بچہ ہلاک جبکہ خاتون سمیت تین افراد زخمی ہوگئے۔

کراچی کے علاقے ایم اے جنا ح روڈ پر فٹ پاتھ پر سوئے ہوئے خاندان کو تیز رفتار کار نے کچل دیا،  جس کے باعث ایک بچہ جاں بحق جبکہ خاتون سمیت تین افراد زخمی ہوگئے۔ پولیس کے مطابق فٹ پاتھ پر خانہ بدوش سوئے ہوئے تھے، تیزرفتار کار ڈرائیور سے بے قابو ہو کر فٹ پاتھ پر چڑھ کر الٹ گئی، حادثہ تیز رفتار ی کے باعث پیش آیا، ڈرائیو کو حراست میں لے لیا گیا ہے۔

ڈرائیور کا کہنا ہے کہ اس کی طبیعت اچانک خراب ہوگئی تھی، جس کے باعث گاڑی کنٹرول سے باہر ہوگئی، حادثے کے باعث گاڑی مکمل طور پر تباہ ہوگئی جبکہ روڈ کو ٹریفک کے لئے بند کردیا گیا تاہم کرین کی مدد سے گاڑی کو روڈ سے ہٹایا گیا، جس کے بعد روڈ ٹریفک کے لئے کھول دیا گیا۔

زخمیوں میں ایک خاتون ایک بچہ اور ایک شخص شامل ہیں، جو فٹ پاتھ پر سوئے ہوئے تھے، زخمیوں کو طبی امداد کے لئے سول اسپتال منتقل کردیا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top