The news is by your side.

Advertisement

کراچی کے حساس علاقوں میں انسداد پولیو مہم کا آج سے آغاز

کراچی: شہر بھر کے تمام حساس علاقوں میں آج سے انسداد پولیو مہم کا آغاز ہو رہا ہے۔ تین روزہ مہم میں آٹھ لاکھ بچوں کو پولیو سے بچاوں کے قطرے پلائے جائیں گے۔

تفصیلات کے مطابق پاکستان میں بڑھتے ہو ئے پولیو کیسز کے باعث اور عالمی دباوں کے بعد حکومت کی جانب سے پولیو کے انسداد کے لئے کوششیں تیز کردی گئیں ہیں۔ پچھلے دنوں وزیر اعظم نواز شریف کی جانب سے چاروں وزرااعلٰی کو خط لکھے گئے تھے کہ اپنے اپنے صوبوں میں پولیو کے انسداد کے لئے مزید کوششیں کی جائیں۔

اس ہی سلسلے میں آج سے کراچی کے تمام حساس علاقوں میں انسداد پولیو مہم شروع ہورہی ہے۔ 3روزہ مہم میں8لاکھ بچوں کوقطرے پلائےجائیں گے۔ پولیورضاکاروں کیلئےسیکورٹی کےسخت انتظامات کئے جائیں گے۔ پولیو مہم کے دوران پولیو کی انسداد کے قطرے کراچی کی بارہ حساس یونین کونسلوں میں پلائے جائیں گے۔

انسداد پولیو حکام کے مطابق کمشنرکراچی انسداد پولیومہم کےنگراں مقرر کئے گئے ہیں اور انہوں نے تمام ڈپٹی کمشنرز کو ہدایت جاری کردی ہیں کہ پولیو رضاکاروں کو فول پروف سیکیورٹی فراہم کی جائے۔ کسی بھی ناخوش گوار واقعہ کی ذمہ داری پولیس اورڈپٹی کمشنرز پر عائد ہوگی۔

Print Friendly, PDF & Email

Comments

comments

یہ بھی پڑھیں