site
stats
اہم ترین

کراچی: دوافراد کی لاشیں برآمد، چھ ملزم گرفتار

 

کراچی : نواحی علاقے گلشنِ معمار سے دو افراد کی لاشیں برآمد، پولیس کی مختلف کارروائیوں میں ایک ڈکیت مارا گیا، جبکہ ٹارگٹ کلراوربھتہ خوروں اورجعلی پولیس اہلکار سمیت چھ ملزمان کو گرفتارکرلیا گیا۔

پولیس حکام کے مطابق گلشن معمار کے علاقے ناردرن بائی پاس کے قریب دو افراد کی لاشیں ملی جنہیں فائرنگ کرکے قتل کیا گیا تھا، مقتولین کی شناخت نہیں ہوسکی ہے ۔ پولیس کاکہنا ہے کہ دونوں لاشوں کو پوسٹ مارٹم کیلئے اسپتال منتقل کیا جارہا ہے ۔

قائد آباد کے علاقے میں مبینہ پولیس مقابلہ میں شہریوں سے لوٹ مار کرنے والا ایک ڈکیت مارا گیا جبکہ اس کے دوساتھی زخمی حالت میں فرار ہوگئے۔

پولیس کے مطابق ڈکیت کے قبضے سے اسلحہ اورلوٹا ہوا سامان برآمد ہوا ہے،رضویہ پولیس کی کارروائی میں ٹارگٹ کلر عمیر آکاش کو گرفتار کرلیا گیا، جس کے قبضے سے اسلحہ برآمد ہوا ہے ۔پولیس کے مطابق گرفتار ٹارگٹ کلر پولیس اہلکار سمیت سات افرا د کی ٹارگٹ کلنگ میں ملوث ہے۔

رضویہ پولیس نے ایک اور کارروائی کے دوران پولیس افسر شاہ فیصل سمیت چار بھتہ خوروں کو گرفتار کرلیا۔ گرفتار پولیس اہلکار نے تاجر کو اغوا کرکے پانچ لاکھ روپے بھتہ لیکر چھوڑا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top