site
stats
پاکستان

کراچی: دہشت گردی کے خلاف وزیرِاعلیٰ ہاؤس کے قریب دھرنا جاری

کراچی: سول سوسائٹی کی جانب سے دہشت گردی کے واقعات کے خلاف وزیرِاعلی ہاؤس کے قریب دھرنا جاری ہے، وزیرِاعلی سندھ کے مشیر وقار مہدی نے شرکاء سے مذاکرات کئے تاہم مذاکرات کامیاب نہیں ہوسکے۔

سول سوسائٹی کی جانب سے دہشتگردی کے واقعات اور فرقہ وارانہ ٹارگٹ کلنگ کے خلاف ایوان وزیرِاعلی کے باہر احتجاج کے اعلان کے بعد ایوان وزیرِاعلٰی جانے والے راستوں کو رکاوٹیں لگا کر بند کردیا گیا تھا۔

سول سوسائٹی کے ارکان جب وزیراعلٰی ہاؤس پہنچے تو پولیس کی جانب سے انہیں قریب جانے کی اجازت نہیں دی گئی، پولیس اور مظاہرین میں تلخ کلامی کے بعد شرکاء نے پی آئی ڈی سی چوک پر ہی احتجاجی دھرنا دے دیا۔ اس موقع پر مظاہرین نے دہشتگردوں کے خلاف بینرز بھی اٹھا رکھے ہیں۔

شرکاء کا کہنا تھا کہ حکومت سندھ میں تمام کالعدم تنظیمیں اور انکے سرکردہ رہنماؤں کو گرفتار کرے اور کالعدم تنظیموں کے دفاتر کو بند کیا جائے۔

مظاہرین کا کہنا تھا کہ سانحہ شکارپورکے زخمیوں کو کراچی منتقل کرکے بہتر طبی سہولیات فراہم کی جائیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top