site
stats
پاکستان

کراچی: رینجرز کا مکان پر چھاپہ، اسلحہ اور بارودی مواد برآمد

کراچی: سینٹرل جیل کے عقب میں واقع غوثیہ کالونی میں رینجرز نے مکان پر چھاپے کے بعد بھاری مقدار میں اسلحہ اور بارودی مواد برآمد کرلیا۔

ذرائع کے مطابق سینٹرل جیل کے عقب میں واقع غوثیہ کالونی میں مکان پر رینجرز نے چھاپہ مارا، علاقے کی ناکہ بندی کرکے مکان سے بارودی مواد اور اسلحہ برآمد کرلیا جبکہ متعدد افراد کو حراست میں بھی لیا گیا ہے۔

رینجرز ذرائع کے مطابق مکان میں کھدائی بھی کی گئی تھی جس کی تحقیقات کی جارہی ہیں، گزشتہ رات دو بجے مکان پر چھاپہ مارا گیا تھا چوبیس گھنٹے سے زائد کا وقت کزرنے کے بعد بھی رینجرز کی بھاری نفری نے علاقے کو گھیرے میں لے رکھا ہے جبکہ رینجز کی لیڈی سرچر بھی موجود ہیں۔

علاقے میں غیر متعلقہ افراد کے داخلے پر بھی پابندی عائد کی گئی ہے کسی کو بھی اندر جانے کی اجازت نہیں دی جارہی تھی ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top