site
stats
پاکستان

کراچی: رینجرز کی سہراب گوٹھ میں کارروائی،2 مغوی بازیاب

کراچی : سہراب گوٹھ میں رینجرز اسپیشل ٹاسک سیل نے کارروائی کرتے ہوئے دو اغواء کاروں کو گرفتار کرکے دو مغویوں کو بازیاب کرالیا ہے۔

ترجمانِ رینجرز کے مطابق چند روز قبل احمد اور قاسم کو نارتھ کراچی اور سخی حسن کے علاقوں سے اغواء کیا گیا تھا، جن کی رہائی کے بدلے اغواء کار اہل خانہ سے فی مغوی بیس لاکھ تاوان طلب کررہے تھے۔

رینجرز کے اسپیشل ٹاسک سیل نے خفیہ اطلاع پر سہراب گوٹھ کے علاقے میں چھاپہ مار کارروائی کرتے ہوئے دونوں مغویوں کو بحفاظت بازیاب کرالیا گیا جبکہ فائرنگ کے تبادلے کے بعد دو اغواء کاروں کی گرفتاری بھی عمل میں آئی ہے۔

اغواء کاروں کے قبضے سے اسلحہ اور مغوی کی گاڑی بھی برآمد ہوئی ہے۔

مغوی احمد کو سخی حسن سے جبکہ قاسم کو نارتھ کراچی صنعتی ایریا سے اغواء کیا گیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top