site
stats
پاکستان

کراچی: رینجرز کی کاروائی، گینگ وار کے 5کارندے ہلاک

کراچی: رینجرز کی دو مختلف کاروائیوں میں گینگ وار کے پانچ کارندے ہلاک ہوگئے جبکہ تین کو گرفتار کرکے اسلحہ برآمد کر لیا گیا ہے، پولیس کی مختلف کارروائیوں میں ڈاکو، ٹارگٹ کلر اور بھتہ خور سمیت متعدد افراد گرفتار ہوگئے۔

کراچی میں رینجرز نے لیاری کے علاقے ریکسر لائن میں خفیہ اطلاع پر کارروائی کی تو ملزمان نے فائرنگ شروع کردی، جوابی فائرنگ میں بابا لاڈلا گروپ کے تین کارندے ہلاک ہوگئے، ہلاک ملزمان بیس سے زائد افراد کے قتل میں ملوث تھے۔

دوسری کارروائی میں رینجرز نے لیاری دبئی چوک میں جرائم پیشہ افراد کی گرفتاری کے لئے چھاپہ مارا تو ملزمان نے فائرنگ شروع کر دی، جوابی فائرنگ میں دو کارندے ہلاک تین گرفتار کر لئے گئے، ملزمان کے قبضہ سے اسلحہ برآمد کر لیا گیا۔

رات گئے گلستان جوہر پولیس نے کارراوئی کرتے ہوئے ایک ڈاکو کو گرفتار کرلیا، رضویہ کے علاقے سے چار بھتہ خوروں اور ایک ٹارگٹ کلر کو پکڑلیا، بھتہ خوروں میں ایک پولیس افسر بھی شامل ہے۔

کورنگی کے علاقے زمان ٹاؤن سے بھی پولیس نے دو ڈاکو گرفتار کرکے اسلحہ برآمد کرنے کا دعوی کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top