The news is by your side.

Advertisement

کراچی: ریڈ زون میں احتجاج پرپابندی عائد

کراچی : محکمہ داخلہ سندھ نے کراچی کے ریڈ زون میں کسی بھی قسم کے عوامی مظاہرے اوراحتجاج پرپابندی لگادی ہے۔

پابندی کا اعلان محمکہ داخلہ سندھ کی جانب سے کیا گیا ہے اوراس کا اطلاق فوری طورپرہوگا۔

واضح رہے کہ سندھ حکومت سانحہ شکار پور میں شہید ہونے والے افراد کے ورثہ سے مذاکرات کے ذریعے معاملات طے کرنے میں ناکام ہوچکی ہے اور ورثاء لانگ مارچ کی شکل میں کراچی آرہے ہیں۔

اس وقت ورثاء کا قافلہ حیدرآباد پہنچ چکا ہے اورلانگ مارچ کے شرکاء نے وزیراعلیٰ ہاؤس کے سامنے احتجاج کرنے کااعلان کررکھا ہے۔

محکمہ داخلہ کے جاری کردہ اعلامیہ کے مطابق وزیراعلیٰ ہاؤس، گورنرہاؤس، سندھ اسمبلی، سندھ سیکریٹریٹ اوربلاول ہاؤس ریڈزون میں شامل ہیں۔

Print Friendly, PDF & Email

Comments

comments

یہ بھی پڑھیں