site
stats
اہم ترین

کراچی: سائٹ ایریا میں رینجرز چوکی کے قریب دھماکا

کراچی: سائٹ ایریا میں رینجرز کی گاڑی کے قریب دھماکہ ہوا، تاہم کوئی جانی نقصان نہیں ہوا۔

کراچی میں ٹارگٹڈ کارروائیوں میں تیزی اور دہشتگردوںٕ کی ہلاکت کے ساتھ پولیس اور رینجرز پر حملوں میں بھی تیزی آگئی ہے، کراچی کے سائٹ ایریا میں دہشتگردوں نے ڈیوٹی سر انجام دیتے رینجرز اہلکاروں پر حملے کی ناکام کوشش کی، رینجرز چوکی کے قریب نصب بم پھٹنے سے علاقے میں خوف و ہراس پھیل گیا تاہم کوئی جانی یا مالی نقصان نہیں ہوا۔

 اطلاعات کے مطابق پولیس اور ریسکیو ٹیمیں جائے وقوعہ پر پہنچ رہی ہیں، دھماکہ اتنا شدید تھا کہ آواز دور دور تک سنی گئی، جس کے بعد ٹریفک کی روانی بھی متاثر ہوئی جبکہ بم ڈسپوزل اسکوڈ کو بھی طلب کر لیا گیا۔

واقعے کے بعد رینجرز کی بھاری نفری نے علاقے کو گھیرے میں لے کر تحقیقات شروع کردیں، بم ڈسپوزل اسکواڈ کے مطابق آدھا کلو دھماکا خیزمواد میں بال بیئرنگ استعمال کئے گئے تھے۔

واضح رہے کہ اس سے قبل بھی کراچی سائٹ ایریا میں رینجرز کو متعدد بار نشانہ بنایا جا چکا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top