site
stats
اہم ترین

کراچی: سرچ آپریشن، گینگ وار کا ایک ملزم ہلاک،ایک گرفتار

کراچی: لیاری کے علاقے گلستان کالونی میں پولیس اور رینجزر کی مشترکہ کارروائی میں گینگ وار کا ملزم ہلاک جبکہ کلری میں گینگ وار کے ملزم منا بنگالی کو زخمی حالت میں گرفتار کر لیا گیا ہے۔

کراچی میں جرائم پیشہ افراد کی سرکوبی کے لیے قانون نافذ کرنے والے اداروں کی کارروائیاں جاری ہیں، لیاری کی گلستان کالونی میں پولیس اور رینجرز کی مشترکہ کارروائی کے دوران گینگ وار کا ملزم شفیق ہلاک ہوگیا۔

ترجمان رینجرز کے مطابق ملزم کا تعلق عزیر بلوچ کے گروپ سے تھا اور وہ سولہ افراد کےقتل، اغوا برائے تاوان اور متعدد وارداتوں میں ملوث تھا، لیاری کے علاقے کلری میں پولیس مقابلے میں گینگ وارکے ملزم منا بنگالی کو زخمی حالت میں گرفتار کرلیا گیا۔

پولیس کے مطابق ملزم بھتہ خوری سمیت متعدد وارداتوں میں مطلوب تھا، ٹیپوسلطان روڈ کے قریب پولیس نے کارروائی کرتے ہوئے دو ٹارگٹ کلر گرفتار کرلیے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top