site
stats
پاکستان

کراچی سمندری حدود کی خلاف ورزی، 61 بھارتی ماہی گیرگرفتار

کراچی : سمندری حدود کی خلاف ورزی پر اکسٹھ بھارتی ماہی گیروں کو گرفتا رکرلیا گیا ہے ، ڈاکس پولیس اسٹیشن میں فارن ایکٹ کے تحت سمندری حدود کی خلاف ورزی پر مقدمہ درج کرلیا گیا ہے۔

میری ٹائم سیکیورٹی فورسز اور پاکستان نیوی نے سمندری حدودکی خلاف ورزی پر اکسٹھ بھارتی ماہی گیروں کو گرفتار کرلیا ہے، ماہی گیر گیارہ کشتیوں میں سوار تھے جنہیں رات گئے ڈاکس پولیس اسٹیشن منتقل کیا گیا۔ جہاں ان کے خلاف فارن ایکٹ کے تحت سمندری حدود کی خلاف ورزی پر مقدمہ درج کرلیا گیا ہے۔

ماہی گیروں کا مؤقف ہے کہ کھلے سمندر میں انہیں معلوم نہیں ہو پاتا کہ سمندری حدود کہاں تک ہے، جس کے باعث وہ پاکستان کی سمندری حدود پار کرگئے، جہاں انہیں سیکورٹی ایجنسیز نے گرفتار کرلیا۔

ماہی گیروں نے حکومت سے اپیل کرتے ہوئے کہا کہ انہیں انسانی ہمدردی کے تحت رہا کیا جائے جبکہ ماہی گیروں نے بھارتی حکومت سے مطالبہ کیا کہ بھارت میں پاکستانی ماہی گیروں کو بھی رہا کیا جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top