The news is by your side.

Advertisement

کراچی سمیت سندھ بھر میں سی این جی اسٹیشنز مزید 24گھنٹے کیلئے بند

کراچی: سوئی سدرن گیس کمپنی نےعوام کو پریشان کرنےکی روایت برقرار رکھی، کراچی سمیت سندھ بھر میں سی این جی کی فراہمی اچانک مزید چوبیس گھنٹے کیلئے بند کردی گئی۔

کراچی سمیت سندھ بھر میں سی این جی اسٹیشنز کو گیس کی فراہمی کا شیڈول ایک بار پھر اچانک تبدیل کردیا گیا ہے، ترجمان سوئی سدرن گیس کمپنی کےمطابق سی این جی اسٹیشنز مزید چوبیس گھنٹے بند رہیں گے۔

بدھ کو سی این جی اسٹیشنز شیڈول کے مطابق بند رہے، اب عوام کو جمعرات کو بھی سی این جی نہیں ملے گی، یوں سی این جی اسٹیشنزکو گیس کی فراہمی اڑتالیس گھنٹےکی مسلسل بندش کے بعد جمعےکی صبح 8بجے بحال ہوگی۔

سی این جی کی بندش میں اضافے کی وجہ ترجمان گیس کمپنی نے وہی پرانی بیان کی ہے کہ گیس فیلڈ سےگیس پریشر میں کمی کے باعث یہ فیصلہ کیا گیا۔

Print Friendly, PDF & Email

Comments

comments

یہ بھی پڑھیں