site
stats
پاکستان

کراچی سمیت مختلف شہروں میں ڈبل سواری پرعائد پابندی اٹھالی گئی

کراچی : شہرِ قائد سمیت ملک کے بیشتر شہروں میں عاشورہ محرم کے موقع پر لگائی گئی موٹر سائیکل کی ڈبل سواری پر پابندی اٹھالی گئی جبکہ موبائل فون سروس بحال کردی گئی ہیں، تاہم اسلام آباد میں موٹر سائیکل کی ڈبل سواری پر پابندی آج رات بارہ بجے تک برقرار رہیگی ۔

وزارتِ داخلہ کی جانب سے محرم الحرام کےدوران سیکیورٹی خدشات کے پیشِ نظر عاشورہ پر کراچی ،لاہور، کوئٹہ سمیت ملک کے حساس شہروں میں موٹرسائیکل کی ڈبل سواری پرپابندی عائدکی گئی تھی۔ تاہم اسلام آباد میں ڈبل سواری پر پابندی سیکیورٹی تحفظات کے پیش نظر آج رات بارہ بجے تک برقرار رہیگی۔

عاشورہ محرم کے جلوس پر امن طور پر اپنی منزلوں پر پہنچنے کے بعدآٹھ محرم الحرام سے ڈبل سواری پر لگائی گئی پابندی ختم کردی گئی۔ عاشورہ پر کسی قسم کی دہشت گردی سے بچنے کے لئے مختلف شہروں میں موبائل فون سروس بھی بند کر دی گئی تھی، جسے بحال کردیا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top